Il futur simpel
Il futur simpel descriva fats chi capitaron pür.
Eau partiro in trais uras.
Nus giarons in vacanzas al mer.
Il futur simpel po eir exprimer supposiziuns.
Isabella maridaro l'an chi vain.
Ella giaro damaun in viedi.
Il futur simpel vain furmo dal tschep da la 1. persuna plural dal preschaint e da las desinenzas -aro, -arost, -aro, -arons, -aros, -aron (1.-3. conjugaziun) ed -iro, -irost, -iro, -irons, -iros, -iron (4. conjugaziun).
|
-er/-air/'-er: güder, giodair, vender |
-ir: partir |
|
eau güdaro/giodaro/vendaro |
eau partiro |
|
tü güdarost/giodarost/vendarost |
tü partirost |
|
el/ella güdaro/giodaro/vendaro |
el/ella partiro |
|
nus güdarons/giodarons/vendarons |
nus partirons |
|
vus güdaros/giodaros/vendaros |
vus partiros |
|
els/ellas güdaron/giodaron/vendaron |
els/ellas partiron |
Duri maridaro l'an chi vain.
Nus partirons a las tschinch.