Il futur cumpost
Il futur cumpost descriva acziuns u fats chi saron già passos u accumplieus i'l avegnir.
El vain furmo cullas fuormas conjughedas dals verbs esser ed avair al futur u futur dubitativ e cul particip passo dal verb cumplain.
|
eau saro/saregia ieu/ida |
eau (a)varo/varegia dit que |
|
tü sarost/saregiast ieu/ida |
tü (a)varost/varegiast dit que |
|
el/ella saro/saregia ieu/ida |
el/ella (a)varo/varegia dit que |
|
nus sarons/saregians ieus/idas |
nus (a)varons/varegians dit que |
|
vus saros/saregias ieus/idas |
vus (a)varos/varegias dit que |
|
els/ellas saron/saregian ieus/idas |
els/ellas (a)varon/varegian dit que |
Remarcha:
Il futur cumpost nu vain druvo fich suvenz. El serva impustüt per exprimer supposiziuns i'l avegnir u i'l passo (qualchosa chi pudess capiter pü tard u esser capito avaunt ün temp).
Damaun da quistas uras varons/varegians nus fat nos examen.
A saron/saregian stos in sortida her saira.