La fuorma da curtaschia

Per exprimer la fuorma da curtaschia as drouva la terza persuna dal singular e dal plural, dimena El/Ella e/u Els/Ellas.

Il pronom persunel da la fuorma da curtaschia vain scrit cun ün custab grand.

Cu ho El nom?

Eau vess plaschair, sch'Ellas gnissan a mia festa.

Las fuormas da curtaschia cul pronom object na accentuo sun: Al/Als ('L/'Ls davous vocal), e La (L') davaunt vocal)/Las

Eau Al declaress gugent nos proget.

Nus vessans plaschair da'Ls (Als) pudair bivgnanter a nossa festa.

Nus La dains gugent ulteriuras infurmaziuns.

Eau L'ingrazch da cour per l'agüd.

Nus Las invidessans gugent a nossa festa.