L’artichel definieu e la preposiziun
L'artichel definieu in cumbinaziun cun preposiziuns vain scrit seguaintamaing:
preposiziun + artichel masculin
|
davaunt consonant |
davaunt vocal e h- na pronunzcho |
|
|
a |
al figl als figls |
a l'hotel als hotels |
|
da |
dal mat dals mats |
da l'auto dals autos |
|
cun |
cul tren culs trens |
cun l'aviun, cul aviun cun ils aviuns, culs aviuns |
|
per |
pel giat pels giats |
per l'iffaunt, pel iffaunt per ils iffaunts, pels iffaunts |
|
sün |
sül chavagl süls chavals |
sün l'areal, sül areal sün ils areals, süls areals |
|
tar |
tal meidi tals meidis |
tar l'apoteker, tal apoteker tar ils apotekers, tals apotekers |
|
in |
i'l cuvel i'ls cuvels |
in l'ögl, i'l ögl in ils ögls, i'ls ögls |
|
aint in |
aint il tunnel aint ils tunnels |
aint il iglu aint ils iglus |
preposiziun + artichel feminin
|
davaunt consonant |
davaunt vocal e h- na pronunzcho |
|
|
a |
a la figlia a las figlias |
a l'abiedgia a las abiedgias |
|
da |
da la matta da las mattas |
da l'amia da las amias |
|
cun |
cun la/culla barcha cun las/cullas barchas |
cun l'assa/cull'assa cun las/cullas assas |
|
per |
per la/pella scoula per las/pellas scoulas |
per l'amia/pell'amia per las/pellas amias |
|
sün |
sün la/sülla muntagna sün las/süllas muntagnas |
sün l'isla/süll'isla sün las/süllas islas |
|
tar |
tar la punt tar las punts |
tar l'apotecra tar las apotecras |
|
in |
illa stüva illas stüvas |
in l'uonda/ill'uonda in las uondas/illas uondas |
|
aint in |
aint illa chesa aint illas chesas |
aint ill'uraglia aint illas uraglias |
Remarchas:
• L'artichel masculin vain suvenz fusiuno cun la preposiziun.
• Surtuot in cumbinaziun cun artichels feminins as scriva la preposiziun e l'artichel in duos pleds.
• Las preposiziuns a, da e tar nu vegnan mê fusiunedas culs artichels feminins.