Ils numers ordinels

Ils numers ordinels indichan ün rang u la successiun exacta.

Ils prüms quatter numers ordinels haun üna fuorma speciela:

1. prüm, prüma

2. seguond, seguonda

3. terz, terza

4. quart, quarta

Ils oters numers ordinels vegnan furmos culs numers cardinels e la desinenza

-evel/-evla, p.ex.:

5. tschinchevel, tschinchevla

6. sesevel, sesevla

7. settevel, settevla

20. vainchevel, vainchevla

39. trentanouvevel, trentanouvevla

100. tschientevel, tschientevla

200. duatschientevel, duatschientevla

1000. millievel, millievla

2000. duamillievel, duamillievla

Ils numers ordinels al plural survegnan ün -s.

Ellas sun gnidas tschinchevlas.