Fuormas femininas specielas

Fuormas femininas specielas haun ...

• adjectivs chi glivran cun ün -g u -gl.

larg – largia

vegl – veglia

 

• tscherts adjectivs da püssas silbas chi glivran cun -el, -en, -er, -evel, -gel ed

-ischem.

debel – debla

cotschen – cotschna

giuven – giuvna

ester – estra

sesevel – sesevla

staungel – staungla

grandischem – grandischma

 

ma:

cordiel – cordiela; fidel – fidela

indigen – indigena

inter – intera

 

• adjectivs cun ün consonant dobel illa fuorma masculina.

svizzer – svizra

mellan – melna

pluffer – plufra

prossem – prosma

 

• adjectivs (cuorts d'üna silba) chi glivran cun ün consonant simpel illa fuorma masculina.

bel – bella

lam – lamma

dret – dretta

mez – mezza

nar – narra

stret – stretta

 

Cas speciels:

as-cher – ascra

egen – egna

sulvedi – sulvedgia

superbi – superbgia

stüf – stüfcha

tevi – tevgia

 

• adjectivs feminins da culuors cumbinedas.

ün tschop verd s-chür – üna schocha verd s-chüra

ün pullover blov cler – üna chamischa blov clera

La prüma part da l'adjectiv feminin resta invariabla.

 

• adjectivs feminins da fuormas cumpostas scrittas cun ün strich d'uniun illa fuorma masculina.

ün hom suord-müt – üna duonna suord-mütta

ün problem politic-linguistic – üna dumanda politic-linguistica

ün aspet socio-economic – üna strategia socio-economica

ün resultat semi-ufficiel – üna publicaziun semi-ufficiela

La prüma part da l'adjectiv feminin resta invariabla.

 

Cas speciel:

ün mantel cotschen vin – üna stoffa cotschen vin

Tuottas duos parts da l'adjectiv restan invariablas.