A1.14 Trais tartarugas

Legia il viz. Chenüns dals duos pleds toccan tematicamaing insembel? Scriva il pled aint il choten. Sast eir tü ün viz cun bes-chas? Til quinta ad inchün cha tü cugnuoschast.

Trais tartarugas sun ons a l'inlunga in viadi tras il desert. Ellas mouran bod da la said. Finalmaing rivan ellas pro ün'oasa, ingio chi'd es ün lajet cun aua frais-cha. Cur cha las prümas duos tartarugas as struozchan arsantadas vi pro l'aua, cloma la terza chi para d'esser la scheffa: «Tadlai mias charas, nus eschan tartarugas nöblas, nus bavain be our da magöls!» 

Las prümas duos tartarugas dan ün grond suspür: «Ma nus vain üna said da murir!» 

«Na», disch la terza tartaruga, «ingün'aua sainza magöls! Eu tuorn uossa per trais magöls e vus spettais quia sün mai, sainza baiver da l'aua!» 

Dit e fat. I passa ün on, i passan duos ons e davo trais ons disch üna da las duos tartarugas chi sun restadas inavo: «Uossa am basta, eu n'ha talmaing said ch'eu baiv uossa eir sainza magöl.» 

In quel mumaint ch'ella voul tour ün süerv, vain la terza tartaruga davo üna palma nan e disch: «Quai n'haja bod dubità! Scha vus crajais da cugliunar, nu'm metta gnanca in viadi pels magöls!» 

ils magöls, il lajet, l’oasa, la palma, la tartaruga, as struozchar, il süerv