A1.16 Treis tartarugas

Legia la sgnocca. Tgei dus plaids s’audan tematicamein ensemen? Scriva mintgamai il plaid el caum. Enconuschas era ti ina sgnocca cun animals? Raquenta quella ad enzatgi che ti entaupas.

Treis tartarugas ein sin via tier ina fontauna. Ellas han numnadamein schitgira. Aschia trottan ellas in onn, dus onns, treis onns, tochen ch'ellas arrivan finalmein alla fontauna. Las empremas duas tartarugas ein enguordas e vulan immediat sebetter sill'aua. La tiarza cloma denton: «Oh na, nus vein emblidau nos migeuls!» 

«Ah, tgei emporta quei!», di l'emprema tartaruga. 

«Jeu hai schitgira!», selamenta la secunda tartaruga.  

«Na, na», di la tiarza tartaruga, «tgei tertgeis era, senza migeuls, quei va insumma buc! Veis vus insumma neginas manieras? Tedlei inaga, vus duas spitgeis cheu, jeu mon anavos per nos migeuls.» 

Bugen ni nuidis ston tschellas duas tartarugas ceder. Ellas seplaccan sin in crap e spetgan.  

Ellas spetgan in onn, dus onns, treis onns ... 

Tuttenina ha ina tartaruga avunda  e di siper tschella: «A mi ei uss tut tuttina, jeu stoi semplamein beiber enzatgei!» Ella va tier la fontauna, mo gest cu ella vul prender in sitg, vegn la tiarza tartaruga ord il cagliom e di:«Also, sche vus cuglieneis, gnanc mon jeu ...»

la fontauna, trottar, schitgira, il sitg, la caglia, la tartaruga, ils migeuls, igl onn, nuidis