A1.10 Troccas

Das Troccas-Spiel ist ein wichtiges Kulturgut der Surselva und jedes Jahr finden die Bündner Troccas-Meisterschaften statt. Lies den Flyer und beantworte die Multiple-Choice Fragen.

18. CAMPIUNADI GRISCHUN DA TROCCAS

sonda, ils 11 da schaner 2025, halla da scola, Sumvitg

Preziadas amitgas, preziai amitgs dil giug da troccas

L'uniun grischuna da troccas selegra d'envidar Vus al schotgavel campiunadi grischun da troccas a Sumvitg.

Il giug da troccas ei in'impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.

Program 

sonda, ils 11 da schaner 2025 allas 8.30 - ca. 22.30 uras 

Liug 

Halla da scola, Sumvitg

Gruppas 

Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).

Modas da giug 

Ei vegn mintgamai dau dus giugs per runda. Otg teams sequalificheschan per la runda finala. Il quart-final, il miez-final ed il final vegnan giugai sur 3 giugs.

Cuosts 

190.00 francs per team (giuvenils tochen 20 onns pagan la mesadad) 

La contribuziun sto vegnir pagada ina jamna avon il turnier, schiglioc ei l'annunzia buca valeivla. Sch'in team ei buca presents, vegn il daner da giug buca restituius. Cumpri ein il gentar, petta e caffè.

Meinagiug 

Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).

Premis 

Ils emprems treis victurs/las empremas treis victuras survegnan premis en bar. L'altezia sedrezza tenor il diember d'annunzias. Mintga team survegn in premi.

Annunzia  

tochen ils 31 da december 2024, sut www.troccas.ch 

Cun la realisaziun dil campiunadi grischun da troccas vul l'uniun grischuna da troccas rinforzar quei giug da tradiziun. Il giug da troccas – che stat en stretg connex cun il lungatg romontsch – duei vegnir promovius e fatgs enconuschents sur ils cunfins da nossa regiun.  

Nus sperein d'astgar beneventar Vus sonda, ils 11 da schaner 2025 al schotgavel campiunadi grischun da troccas a Sumvitg.

Vossa uniun grischuna da troccas

Nus selegrein sin buns giugs e sin Vossa cumpignia!