2.18 Enquera igl infinitiv dil verb conjugau.
Igl infinitiv ei la fuorma la pli neutrala dil verb. Ils vocabularis indicheschan ils verbs en quella fuorma. Igl infinitiv ha adina in tschep ed ina finiziun.
Teidla e legia il verset. Scriva dasperas mintgamai igl infinitiv dil verb conjugau.
Gl'unviern sto ord la tiara,
nus lein el buca pli.
O primavera cara
tier nus neu ussa ti.
Gl'unviern quei um selvadi
quel lein nus bandischar
en nies pign vischinadi
stoi primavera far.
Jeu brattel uss il greffel
cul fest d'empaladur.
Sch'ei dat era enqual sgreffel.
Gl'ei bi sin prau ed ur.