In cordial bainvegni tar Mediomatix, il project per la creaziun da meds da lingua idiomatics en vallader, puter, sursilvan e sutsilvan.

Tge è Mediomatix? Finamiras?

Cun il project Mediomatix (da meds idiomatics) è la Scola auta da pedagogia (SAPGR) vegnida incumbensada dal Departament d’educaziun dal Grischun d’elavurar tranter 2016-2021 in nov med d’instrucziun da lingua en ils quatter idioms rumantschs sursilvan, sutsilvan, puter e vallader per la 2. classa primara fin la 3. classa dal stgalim sec. I.

 

Finamiras?  

Crear in nov med da lingua ...

  • analog (sin palpiri) e digital (sco e-books)
  • en quatter differents idioms cun resguardar las particularitads idiomaticas e las caracteristicas culturalas da las singulas regiuns
  • didactisà a moda moderna e varianta che fa gust a las scolaras ed als scolars da s’occupar cun lingua
  • che simplifitgescha l’instrucziun per las scolastas ed ils scolasts cun metter a disposiziun tut il material necessari (cudeschs da lavur, commentaris cun descripziuns detagliadas e soluziuns, material audio/video, models da copiar, controllas dal progress)
  • orientà a cumpetenzas ed uschia cumpatibel cun il Plan d’instrucziun 21, sa basond sin la grammatica da scola cun ses curtin da lingua
  • obligatoric per l’instrucziun da rumantsch en scolas rumantschas idiomaticas
Tge cumpara cura?

Products? (guarda www.lmv.gr.ch sut il chavazzin ‘mediomatix’) 

2017: 4 grammaticas da scola en ils idioms sursilvan, sutsilvan, puter e vallader (communicaziun da pressa) 
2018: 32 cudeschs da lavur per ils scolars e las scolaras da la 2. cl. prim. e 3. cl. sec. I, analog e digital 
2018: 32 commentaris per las scolastas ed ils scolasts da la 2. cl. prim. e 3. cl. sec. I, digital 
2018: Homepage (www.mediomatix.ch)  
2019: cudeschs da lavur e commentaris per la 3. cl. prim. ed 2. cl. sec. I 
2020: cudeschs da lavur e commentaris per la 4. cl. prim. e 1. cl. sec. I 
2021: cudeschs da lavur e commentaris per la 5. cl. prim. e 6. cl. prim.
2022: En elavuraziun: grammatica da scola en surmiran, cudeschs da lavur e commentaris per al 2. cl. prim. surmiran

Proxims termins da scolaziun

Il curs curs d'introducziun per il med da la 2. classa en surmiran e per la grammatica da scola surmirana ha lieu l'avust 2022.

La furmaziun supplementara per la retscha da meds d'instrucziun 'Mediomatix' ha lieu ils 3'davust 2022. Ulteriurs detagls.

 

Survistas dals cuntegns dals meds

Cun cliccar sin ils idioms correspundents pon ins telechargiar ina survista idiomatica dals temas che vegnan mintgamai tractads. 

2. cl. prim. (vallader, puter, sursilvan, sutsilvan)
3. cl. prim. (vallader, puter, sursilvan, sutsilvan)
4. cl. prim. (vallader, puter, sursilvan, sutsilvan)
5. cl. prim. (vallader, puter, sursilvan, sutsilvan)
6. cl. prim. (vallader, puter, sursilvan, sutsilvan)

1. cl. sec. I (vallader, puter, sursilvan, sutsilvan)
2. cl. sec. I (vallader, puter, sursilvan, sutsilvan)
3. cl. sec. I (vallader, puter, sursilvan, sutsilvan)

Survistas dals temas grammaticals (vallader, puter, sursilvan, sutsilvan)

Normaziun dal vallader per il diever en scola (vallader)

Grammatica da scola unitara per ils idioms

En ils idioms rumantschs puter, sursilvan, sutsilvan e vallader èn vegnidas edidas grammaticas da scola unitaras. Quai èn las emprimas publicaziuns en il rom da l'elavuraziun dal nov med d'instrucziun da lingua "MEDIOMATIX".

La scola auta da pedagogia dal Grischun ha elavurà per incumbensa dal chantun Grischun in nov med d'instrucziun da lingua analog e digital per la 2. fin 9. classa en ils quatter idioms puter, sursilvan, sutsilvan e vallader. En in emprim pass èn cumparidas sco emprimas publicaziuns dal project "MEDIOMATIX" grammaticas unitaras per ils quatter idioms. Quellas furman la basa linguistic-teoretica dal med d'instrucziun e stattan immediatamain a disposiziun a las persunas d'instrucziun sco er a las scolaras ed als scolars sco ovras da consultaziun.

La grammatica da scola fa urden en la babilonia da las noziuns grammaticalas e facilitescha uschia la chapientscha per structuras formalas. Cun agid da visualisaziuns vegnan scolaras e scolars intimads da perscrutar sistematicamain la lingua per pudair duvrar quella meglier per l'agen diever. Las grammaticas porschan er ina survista simpla e bain enclegentaivla. Ellas èn cumpatiblas cun il Plan d'instrucziun 21 Grischun.

L'applicaziun da las grammaticas da scola è vegnida declerada da la regenza sco "recumandabla" per l'onn da scola 2017/18. Las broschuras pon vegnir empustadas en il negozi d'internet per meds d'instrucziun dal chantun Grischun (www.lmv.gr.ch) per il pretsch da scola da 12 francs. Il pretsch per persunas privatas importa 16 francs.

La proxima publicaziun en il rom dal project da meds d'instrucziun "MEDIOMATIX" è previsa per l'onn da scola 2021/22. Per quest termin vegnan a cumparair las parts dal med d'instrucziun per la 2. cl. en e la grammatica da scola en surmiran.

Infurmaziuns: 
- Josy Marie Künzler, scheffa da la secziun "meds d'instrucziun", uffizi per la scola populara ed il sport, tel. 081 257 22 61, e-mail Josy.Kuenzler@avs.gr.ch 
- Rico Cathomas, manader dal project MEDIOMATIX, scola auta da pedagogia dal Grischun, tel. 078 625 75 75, e-mail Rico.Cathomas@phgr.ch 

Mediomatix en las medias

Ils novs meds da lingua per la 5. e 6. classa primara èn pronts per l'instrucziun. Ins als po empustar tar la Chasa editura per meds d'instrucziun dal Grischun.

Nus as giavischain bler plaschair cun Mediomatix.

 

Communicaziun en las medias:

2017, Communicaziun Il Bernina

2018, Communicaziun Fegl scolastic Grischun

2018, Communicaziun Chantun Grischun

2019, Communicaziun Chantun Grischun

2019, Communicaziun Survista Mediomatix

2020, Communicaziun RTR

2020, Communicaziun Südostschweiz

2020, Communicaziun Cumegn Surses